Өчигдөр/2025.03.14/ Дундговь аймгийн Нэгдсэн эмнэлэгт бүртгэгдсэн Улаанбурхан өвчний сэжигтэй 2 тохиолдлын шинжилгээний сорьцыг Халдварт өвчин судлалын үндэсний төвд хүргүүлэн шинжлүүлэхэд өнөөдрийн /2025.03.15/ шинжилгээний хариугаар Улаанбурхан өвчний 2 тохиолдол лабораториор эерэг батлагдлаа. Иймд тус аймгийн Засаг даргын 2025.03.15-ны А/166 дугаартай Захирамж гарч ЕБС, политехник коллеж, цэцэрлэг, өдөр өнжүүлэх бүлэг,  хүүхдийн дунд зохион байгуулах үйл ажиллагааг  3 дугаар сарын 16-28-ныг дуустал хязгаарлаж хичээл сургалтыг цахимд шилжүүллээ.