Эрчим хүчний зохицуулах хорооноос Улаанбаатар хотын хэрэглэгчдийн цахилгааны хэрэглээний үнийг нэмэгдүүлж 285₮ болгосон талаар мэдээллээ. Энэ тарифыг энэ оны арваннэгдүгээр сарын 15-аас мөрдүүлэхээр болжээ. 

Энэ үеэр Эрчим хүчний зохицуулах хорооны дарга Э.Түвшинчулуун 

-Цахилгаан, дулаанаа үйлдвэрлэсэн өртгөөс нь доогуур борлуулж байгаагаас Эрчим хүчний салбар алдагдалд орсон. Энэ хэвээр үргэлжилбэл хэвийн үйл ажиллагаа доголдоно. Үнийг нэмэхдээ хоёр зүйлийг голчлон баримталж байна. Цахилгаан дулааны үнийг өөрийнх өртөгт хүргэхээр төлөвлөсөн. Мөн хэрэглэгчдэд ачаалал бага байх хувилбарыг баримталж байгаа. 

 Дулааны эрчим хүчний үнийг 2025.5.16-наас мөрдөнө. Өөрөөр хэлбэл, энэ онд дулааны үнэ хуучин хэвээрээ байна. Харин цахилгааны үнийг өнөөдрөөс /2024.11.15/ эхлэн нэмэхээр болж байна.